UNEP imefanya uamuzi wa kimkakati wa kuwa na ushirikiano na sekta mbalimbali na sekta mtambuka na miradi katika sekta zilizo na athari kubwa. UNEP inashirikiana na mashirika ya sekta ya kibinafsi kupitia miradi zaidi ya 40 inayolenga nishati, plastiki, chakula na kilimo, huduma za afya, fedha na teknolojia ya habari. Sayansi ya UNEP inasaidia mashirika ya biashara kupata masuluhisho bora. Kwa mfano, Ubia wa UNEP wa Mafuta na Magari Yasiyochafua Mazingira – mradi kati ya sekta ya umma na binafsi iliyo na wabia 73 wanaokuza mafuta na magari yasiyochafua mazingira safi katika nchi zinazoendelea na nchi zilizo na uchumi unaokua – ulisaidia kukomesha matumizi ya petroli iliyo madini ya risasi.

Mfano mwingine ni Mpango wa Plastiki ya Utalii Duniani (GTPI) wa UNEP. Mpango huo una sahihi 121, na makadirio ya mapato ya kila mwaka ya zaidi ya dola za Kimarekani bilioni 43. Katika mwaka wa 2021 na mwaka wa2022, GTPI ilikuwa na kampeni ya majaribio ya kuripoti kwa kampuni kubwa ambazo zilijiunga na mpango huo katika mwaka wa 2020 na ambayo ripoti ya kila mwaka ni sharti itolewe. Baadhi ya bidhaa za plastiki milioni 108 zimeacha kutumika katika mashirika yote ya biashara yanayoripoti.