UNEP KATIKA MWAKA WA 2022

Kuongezeka kwa matumizi mazuri ya nishati ni sehemu muhimu ya ajenda ya hali ya hewa, na mpango wa Kushirikiana Kutumia Vizuri (U4E) unaoongozwa na UNEP ulipiga hatua katika mwaka wa 2022. UNEP ilishirikiana na Pakistan kuweka kanuni zitakazopelekea kuokoa nishati ya 1.3 TWh kila mwaka kufikia mwaka wa 2030, pamoja na kupunguza uzalishaji wa hewa chafu kiwango sawa na kuondoa magari 630,000 ya abiria barabarani. Wakati uo huo, U4E ilisaidia Indonesia kuunda sheria ya mawaziri kuhusu kanuni zitakazowezesha kuokoa nishati kiwango sawa na kinachookolewa na Pakistan kila mwaka.

Juhudi hizi zinaendana na Mikakati ya Muungano wa Mataifa ya Kusini-Mashariki mwa Asia (ASEAN) ya Kuoanisha Viwango vya Bidhaa za Mwangaza, iliyotengenezwa na U4E. Kupitia utekelezaji wa viwango hivi, ASEAN inakadiriwa kuokoa 24 TWh ya matumizi ya umeme kila mwaka kufikia mwaka wa 2030. Hii inaweza kusaidia kupunguza tani milioni 18 za uzalishaji wa kaboni dioksidi kila mwaka na kuwezesha watumizi kuokoa zaidi ya Dola za Marekani bilioni 2 kwa matumizi ya umeme kila mwaka.

Tathmini ya Akiba ya Nchi ya U4E ya Mwaka wa 2022 inaonyesha kuwa ikiwa nchi zote zinazoendelea na zilizo na chumi zinazokua zitapitisha viwango vya chini vya nishati kwa kutoa mwanga, zaidi ya TWh 122 za matumizi ya umeme zitaokolewa kila mwaka kufikia mwaka wa2030, kiwango sawa na nishati inayozalishwa na vituo 55 vya umeme.

Tags
Image
Wateja nchini Chile wanaweza kufanya biashara ya friji zisizotumia nishati nyingi zilizoundwa kwa njia endelevu zaidi chini ya mpango wa U4E. Picha: Fundación Chile
Number of columns
Two
image credit color
white

Chapisho hili linaweza kunakiliwa lote au sehemu yake na kwa namna yoyote kwa madhumuni ya elimu au yasiyokuwa ya biasharaa bila ruhusa maalum kutoka kwa mmiliki wa hakimiliki imradi unaonyesha chanzo chake. Shirika la Mazingira la Umoja wa Mataifa litafurahia kupokea nakala ya chapisho lolote linalotumia chapisho hili kama chanzo. Hairuhusiwi kuchapisha chapisho hili ili kuliuza tena au kwa madhumuni mengine yoyote ya kibiashara bila kibali kupitia maandishi kutoka kwa Shirika la Mazingira la Umoja wa Mataifa. Uteuzi wa mashirika kijiografia katika ripoti hii, na uwasilishaji wa makala humu, haimaanishi utoaji wa maoni ya aina yoyote kwa upande wa mchapishaji au mashirika yanayoshiriki kuhusu hadhi kisheria ya nchi yoyote, kanda au eneo, au ya mamlaka yake, au kuhusu uwekaji wa mipaka yake. Wa Kumtaja: Isipokuwa imeonyeshwa vinginevyo, data yote katika chapisho hili imetolewa kutoka kwa Shirika la Mazingira la Umoja wa Mataifa. Kwa taarifa zaidi: unep.org/annualreport.

© Shirika la Mazingira la Umoja wa Mataifa, 2023