Chapisho hili linaweza kunakiliwa lote au sehemu yake na kwa namna yoyote kwa madhumuni ya elimu au yasiyokuwa ya biasharaa bila ruhusa maalum kutoka kwa mmiliki wa hakimiliki imradi unaonyesha chanzo chake. Shirika la Mazingira la Umoja wa Mataifa litafurahia kupokea nakala ya chapisho lolote linalotumia chapisho hili kama chanzo. Hairuhusiwi kuchapisha chapisho hili ili kuliuza tena au kwa madhumuni mengine yoyote ya kibiashara bila kibali kupitia maandishi kutoka kwa Shirika la Mazingira la Umoja wa Mataifa.

Muungano wa Uendelevu wa Mazingira wa Kidijitali (CODES) - muungano unaoungwa mkono na Umoja wa Mataifa ulio na washikadau 1,000 - ulizinduliwa wakati wa Stockholm+50 ili kuunga mkono matumizi ya teknolojia ya kidijitali kushughulikia changamoto za iana tatu kwa sayari.

UNEP imefanya uamuzi wa kimkakati wa kuwa na ushirikiano na sekta mbalimbali na sekta mtambuka na miradi katika sekta zilizo na athari kubwa. UNEP inashirikiana na mashirika ya sekta ya kibinafsi kupitia miradi zaidi ya 40 inayolenga nishati, plastiki, chakula na kilimo, huduma za afya, fedha na teknolojia ya habari. Sayansi ya UNEP inasaidia mashirika ya biashara kupata masuluhisho bora.

UNEP ilianzisha mifuko ya aina tatu ili kutoa ufadhili kutegemea hitaji ili kusaidia utekelezaji wa malengo ya Mkakati wa Muda (2022-2025) ya mazingira dhabiti, kuishi kwa amani na mazingira na kuwezesha kuw na sayari isiyo na uchafuzi. Dola za Marekani milioni 14 zilikusanywa kwa ufadhili wa aina hii katika mwaka wa 2022.

UNEP imeunda mkakati wa kufikia rasilimali watu ili kuvutia vipaji vya vijana kutoka kwa Nchi Wanachama ambazo zina uwakilishi mdogo na vikundi vya kikanda visivyo na uwakilishi mkubwa. Kumekuwa na kuimarika kwa uanuai kikanda. Kategoria za kitaaluma na makundi yaliopo hapo juu yalishuhudia ongezeko la takriban asilimia 10 ya wafanyakazi kutoka Kundi la Asia ya Pasifiki na takriban asilimia 30 kutoka Kundi la Ulaya Mashariki.

Katika mwaka wa 2022, Mkataba wa Minamata Kuhusu Zebaki ulipanuka na kujumuisha vyanzo vya kemikali hii hatari visivyodhibitiwa, ikijumuisha taa fulani, viendesha setilaiti na vijazio vya meno ya watoto. Bidhaa zilizoongezwa zebaki kama hizi huchangia asilimia 30 ya matumizi ya zebaki duniani.

UNEP ilisaidia Amerika ya Kusini na Karibia develop kuunda Mpango wa Utekelezaji wa Kanda kuhusu Ubora wa Hewa kuanzia 2022 hadi 2025.

Katika mwaka wa 2022, miaka mitano baada ya kumalizika kwa Dola ya Kiislam nchini Iraq na mzozo wa Levant nchini Iraq, Shirika la Kimataifa la Uhamiaji na UNEP walianzisha kituo cha kuchakata taka mjini Mosul na kukabidhi kwa manispaa ya Mosul ili kuendelea na operesheni yake.

Katika UNEA 5.2 mwezi wa Februari, mataifa yalitoa ushindi mkubwa kwa watu na sayari kwa kukubali kujadili mkataba wa kimataifa wa kukomesha uchafuzi wa plastiki, ikiwa ni pamoja na mazingira ya baharini.

Katika mwezi wa Juni, Kongamano la Stockholm+50 liliadhimisha miaka 50 tangu kuanzishwa kwa vuguvugu la mazingira katika Kongamano la Stockholm la Mwaka wa 1972.